الرئيسية
البوابة
أحدث الصور
كتموتو يا حلوة يا بطة
(يا) هون تفيد التخيير.. يعني كتموتو بتاخد احدى الحالتين: يا إما حلوة يا إما بطة....
عالعموم هاد مش موضوعنا.....
موضوعنا اليوم بيحكي عن بعض المظاهر اللي صرت اشوفها جديد في البلد... مناظر بتقلب المنافس... وبتصيب الواحد بحالة مغص شديد يتبعها اسهال مزمن وحاد... هالمناظر هي مناظر بعض شباب اليوم (الكوووول) اللي بيكونو ماشيين في البلد ازا لاحظتو ولابسين لبس غريب جدا لدرجة انو بيخزي متل بلوزة كبيرة على مقاسو XXXL امبينة عليه زي الشوال مع بنطلون (باجي) كبير برضو شي خمس ست سبع اكسات وبجنبها لارج قد موسكو وطاقية كاسكيت مفلطحة مش دغرية لأ جاية على الجنب وحاطط جنزير عريض في رقبتو مع ميدالية على شكل علامة الدولار $ وماشي بيطوطح في البلد مفكرلي حالو Usher أو Sean Kingston ويا ارض اشتدي ما عليكي حدا قدي (أي مزع يمزعك على هالمنظر) ولما تيجي تسألو ليش هيك عمو عامل بحالك بيحكيلك انا رابير (مغني راب قال يعني) ولابس هيك أسوة بمغنيين الراب!!!! ول مالنا ياجماعة؟؟؟ كل شباب البلد اليوم صارت رابرجية.... يا حبيب النبي... من سنتين تلاتة كانو نص شباب البلد مطاردين ويلبسو اسود باسود مع سترة الكتائب الجيشية (أم قبة عريضة مرفوعة) صيف شتا (الله يرحم هديك الايام البغيضة خخخخ), اليوم كلهم صارو رابيرجية ماشاء الله... طيب بالأمانة يا جماعة الخير والحكي للجميع (ولا تهون ستاف) لما تشوفو هيك منظر ما بيجي عبالكم تفوتو على الـ w.c بسرعة وبتحسو بمغص؟؟؟ صح ولا لأ؟؟
مرة ماشي في البلد شفت شي شلة من شباب الرينة (كل عشرة بقطينة) لابسين هيك وعجقات ومش شايفيين حدا, خطر على بالي اوقفهم واحكيلهم ممكن اخد صورة معكم لو سمحتو (مهو انا عندي هواية اتصور مع التحف) بس خفت انو يزعلو او يفكروني بتخوت عليهم واعلق معهم وبعدين تعال قطبها يا ابو شريك, خفت شي واحد منهم يتهور ويروح مازعني اغنية راب مسبات يجيبني كتاف فيها, مهو انا مش ناقصني يا عمي, اختصرت وكملت مشواري وحكيتلهم الله يحميكم يا هالشباب, وانا شايف برضو انو بشائر النصر عم تظهر شوي شوي في وجوه شبابنا, يعني هدول ان شاء الله هم اللي رح يحرروها, يعني بكرا ازا ولعت احداث في بلادنا هدول رح يكونو الفتيل اللي رح يشعل الانتفاضة التالتة (انتفاضة جيل الهشك بشك) بكرا بيصيرو يشتبكو مع العدو بأسلحتهم الفتاكة ورح يمطرو العدو بوابل من قذائف الراب مع المسبات من العيار الثقيل وأكيد رح يوقعو خسائر كبيرة في صفوف العدو... صح ولا لأ يابا؟؟؟
الله يحميهم ويجعلهم ذخراً للوطن والأمة
ولا شو رأيكم يا جماعة؟؟؟؟
الأمر مفوض لكم وساحة النقاش مفتوحة
وتحيــــــــــــــــــ للجميع ـــــــــــــــاتي
(يا) هون تفيد التخيير.. يعني كتموتو بتاخد احدى الحالتين: يا إما حلوة يا إما بطة....
عالعموم هاد مش موضوعنا.....
موضوعنا اليوم بيحكي عن بعض المظاهر اللي صرت اشوفها جديد في البلد... مناظر بتقلب المنافس... وبتصيب الواحد بحالة مغص شديد يتبعها اسهال مزمن وحاد... هالمناظر هي مناظر بعض شباب اليوم (الكوووول) اللي بيكونو ماشيين في البلد ازا لاحظتو ولابسين لبس غريب جدا لدرجة انو بيخزي متل بلوزة كبيرة على مقاسو XXXL امبينة عليه زي الشوال مع بنطلون (باجي) كبير برضو شي خمس ست سبع اكسات وبجنبها لارج قد موسكو وطاقية كاسكيت مفلطحة مش دغرية لأ جاية على الجنب وحاطط جنزير عريض في رقبتو مع ميدالية على شكل علامة الدولار $ وماشي بيطوطح في البلد مفكرلي حالو Usher أو Sean Kingston ويا ارض اشتدي ما عليكي حدا قدي (أي مزع يمزعك على هالمنظر) ولما تيجي تسألو ليش هيك عمو عامل بحالك بيحكيلك انا رابير (مغني راب قال يعني) ولابس هيك أسوة بمغنيين الراب!!!! ول مالنا ياجماعة؟؟؟ كل شباب البلد اليوم صارت رابرجية.... يا حبيب النبي... من سنتين تلاتة كانو نص شباب البلد مطاردين ويلبسو اسود باسود مع سترة الكتائب الجيشية (أم قبة عريضة مرفوعة) صيف شتا (الله يرحم هديك الايام البغيضة خخخخ), اليوم كلهم صارو رابيرجية ماشاء الله... طيب بالأمانة يا جماعة الخير والحكي للجميع (ولا تهون ستاف) لما تشوفو هيك منظر ما بيجي عبالكم تفوتو على الـ w.c بسرعة وبتحسو بمغص؟؟؟ صح ولا لأ؟؟
مرة ماشي في البلد شفت شي شلة من شباب الرينة (كل عشرة بقطينة) لابسين هيك وعجقات ومش شايفيين حدا, خطر على بالي اوقفهم واحكيلهم ممكن اخد صورة معكم لو سمحتو (مهو انا عندي هواية اتصور مع التحف) بس خفت انو يزعلو او يفكروني بتخوت عليهم واعلق معهم وبعدين تعال قطبها يا ابو شريك, خفت شي واحد منهم يتهور ويروح مازعني اغنية راب مسبات يجيبني كتاف فيها, مهو انا مش ناقصني يا عمي, اختصرت وكملت مشواري وحكيتلهم الله يحميكم يا هالشباب, وانا شايف برضو انو بشائر النصر عم تظهر شوي شوي في وجوه شبابنا, يعني هدول ان شاء الله هم اللي رح يحرروها, يعني بكرا ازا ولعت احداث في بلادنا هدول رح يكونو الفتيل اللي رح يشعل الانتفاضة التالتة (انتفاضة جيل الهشك بشك) بكرا بيصيرو يشتبكو مع العدو بأسلحتهم الفتاكة ورح يمطرو العدو بوابل من قذائف الراب مع المسبات من العيار الثقيل وأكيد رح يوقعو خسائر كبيرة في صفوف العدو... صح ولا لأ يابا؟؟؟
الله يحميهم ويجعلهم ذخراً للوطن والأمة
ولا شو رأيكم يا جماعة؟؟؟؟
الأمر مفوض لكم وساحة النقاش مفتوحة
وتحيــــــــــــــــــ للجميع ـــــــــــــــاتي
